चन्द्रिका-६४
नियमः परिपालितस्त्वयाहम्
बहु मन्ये तव गाढकर्मनिष्ठाम् ।
व्रज नायय सादरं सुभाग्यां
मम पुत्रस्य समक्षमाशु तन्वीम् ॥ २३१॥
नृपवाक्यचमत्कृतिप्रहृष्टः
प्रतिहारः पुलकावृतार्द्रगात्रः ।
समवाप्तुमुदीरितां नृपाज्ञां
प्रणतो बद्धकराञ्जलिश्चचाल ॥ २३२ ॥
x x x
अथ नृपतनयः स्मरेण विद्धः
निजदयितागमनस्य रम्यवार्ताम् ।
स्वसहचरजनैः निशम्य हृष्टः
दिनकरतप्तमहीव वर्षपाते ॥ २३३ ॥- - - -
No comments:
Post a Comment